Aaqqissuisoq Morten Frederiksen Kalaallit Nunaata Timmiai Imarmiut

Produktbeskrivelse

Timmissat imarmiut Kalaallit Nunaata sineriaani tamaniipput, naajat illoqarfiit umiarsualiviiniittut, innarsuit timmiaqarfiit pikkunartut appaliarsoqarfissuillu, ikittuinnaat tikissimasaat. Oqaluttuarisaanerup ingerlanerani Kalaallit Nunaanni inuit timmissanut imarmiunut, attuumassuteqarluinnarsimapput, pisuussutaasimappummi inuunermut toqumulluunniit nikisitsisinnaasut. Una atuagaq aatsaavissuaq Kalaallit Nunaata timmiai imarmiut, ilisimatusarneq nutaanerpaaq tunngavigalugu, uumassusilerinikkut samminnippoq. Atuakkap kapitaliisa timmissat imarmiut Kalaallit Nunaanni siumorneqarsinnaasut, qanoq issittup avatangiisaanut imaannarmilu uumanissamut naleqqussarsimanersut, aammalu inuit, piffissap ingerlanerani qanoq atorluaasimanersut, oqaluttuaraat. Aammattaaq atuagaq timmissanik imarmiunik pingaarnernik ilisarititsinertaqarpoq, sumiiffiillu timmissat piaqqiffigisartagaat inuit ataasiakkaanit oqaluttuarineqarlutik.Atuagaq Pinngortitaleriffimmi Aarhus Universitetimilu ilisimatusartunit, Kalaallit Nunaanni timmissanik imarmiunik misissuinernik amerlanerpaanik isumaginnittunit allataavoq. Morten Frederiksen-imit Aarhus Universitet-imi Institut for Ecoscience-mi professoriusoq, nunallu tamat akornanni timmissat imarmiut uumassusillit ataqatigiinnerini immikkut ilisimasalittut akuerisaasumit, aaqqissuunneqarpoq. Atuagaq assitalersorluagaavoq, taakkulu amerlanersaat Carsten Egevang-imit, assiliisutut nersornaasigaasmit timmissallu imarmiut pillugit ilisimatusartumit assilisaapput.

Produktspecifikationer